Para sa Iyo….
Sa bawat araw at gabi na kasama kita, Di ko mawari kung anung klaseng pagtitiis ang ginawa ko para mapaglabanan ko ang nakakaloko mong presensya. Kahit di ko gusto di kita mapigilang sumama sa aking higaan at ginagambala ang aking pagtulog. Palagi mo akong ginagapang, kinakagat kagat na parang hayok sa pangigil, wala kang pakundangan ni katiting na awa wala kang itinira sa akin. Kung maglakad lakad ka sa salas at kuwarto di ka na nahiya… nagmamalaki ka pa kesyo marami ang nakakakita sa iyo, marami kang naisahan sa amin sa bawat gabing kami ay nasa kahimbingan ng aming pagtulog. Akala ko nung lumipat ako ng bahay mawawala ka na sa buhay ko. ngunit laking pagkakamali ko. ilang araw lang andyan ka na naman patuloy akong ginagapang sa aking pagkakahimbing. kapag nararamdaman kung ikaw ay katabi ko na naman, sinasamantala mo ang dilim ng apat na sulok ng kuarto at ikaw ay biglang nakakapagtago upang di kita makapa at makita. Dumaan ang malalamig na gabi laking pasalamat ko at hindi ka nagpaparamdam wari ko ay nagsawa ka rin na pagsamantalahan ang aking katawan biglang napanatag ang aking kalooban. Ngunit yun pala ay panandalian lamang heto andyan ka na naman at paulit ulit mo ginagawa ang iyong nakasanayan. Sa katunayan kahit sa aking pagbakasyon sumama ka pa rin nalaman ko na lang nung andun na ako sa bahay at dagli kitang ipinagtabuyan. Di ko na lang pinaalam ke mahal at baka ako ay pagalitan. Ngaun ako ay may kasama na sa kuwarto… akala ko dahil masyado akong abala halos gabi na ako nakakauwe ay mababaling ang atensyon mo sa kanila. Sa katunayan halos di na ako tumutulog para naman maranasan ng mga kasama ko kung anu ang pinaparanas mo sa akin. Pinapauna ko silang matulog para naman sila ang iyong gapangin sa katunayan pinapatay ko pa ang ilaw para malaya kang makapanggapang at at ibaling sa kanila ang gigil at sissipin ang dugong nanalaytay sa kanilang kalamnan. Ngunit isang malaking pagkakamali dahil pagkatapos mo sa kanila sa akin ka pa rin bumabaling, anu bang meron ako at ako ay iyong binabalik balikan. Sa kagustuhan kung mawala ka sa aking pang araw araw na pamumuhay ngaun nilason na kita. Nagtiis ako ng isang gabing walang tulog para maisakatuparan ko ang pagpatay sa iyo. Ang tindi ng amoy ng aking kuwarto dahil sa lason na inilagay ko sa lahat ng sulok. Sana mamatay ka na at wag mo na akong gambalain, tama na ang apat na taon na pinagpyestahan mo ang aking katawan, tama na ang paggambala sa aking mahimbing na pagkakatulog. Sana di na dumami pa ang iyong lahi…. Sana MAMATAY KA NG SUROT KA…. SANA ITO NA ANG HULI MONG PAGKAGAT SA AKIN AT PAGSIPSIP NG DUGO KO, ETO NA ANG HULI MONG PAGTABI SA AKING PAGKAKATULOG.. SANA MAKAWALA NA AKO SA PUYAT DAHIL SA IYONG PRESENSYA. PAALAM SA IYO SUROT, HABANG PINAGMAMASDAN KITA NA UNTI UNTING NAWAWALAN NG BUHAY DAHIL SA LASON LIGAYA ANG AKING NARARAMDAMAN….. SANA SUROT WAG KA NA BUMALIK HA…
PITPAF POWDER HANGGANG KELAN KAYA TATAGAL…
HAYS DI AKO NAKATULOG DAHIL SA IYONG SUROT KA……